នាព្រឹកថ្ងៃទី ៥ ខែមិថុនា ឆ្នាំ ២០២១ លោកជំទាវ ឃួន ឃុនឌី សមាជិកាគណៈកម្មការទី៥ព្រឹទ្ធសភា និងជាសមាជិកា ព្រឹទ្ធសភាប្រចាំភូមិភាគទី៨ បានអញ្ជើញចុះសួរសុខទុក្ខ និងសំណេះសំណាលជាមួយក្រុមប្រឹក្សាឃុំកំពង់គោ ស្រុកកំពង់ស្វាយ ខេត្តកំពង់ធំ ក្រោយពីបានស្តាប់របាយការណ៍របស់ក្រុមប្រឹក្សាឃុំរួចមក លោកជំទាវមានប្រសាសន៍ពាំនាំនូវការផ្តាំផ្ញើរសាកសួរសុខទុក្ខពីសំណាក់សម្តេចវិបុលសេនាភក្តីប្រធានព្រឹទ្ធសភា ជូនចំពោះអាជ្ញាធរ នាយប៉ុស្តិ៍នគរបាល បងប្អូនក្រុមប្រឹក្សាឃុំ និងលោកមេភូមិទាំងអស់ត្រូវបន្តអនុវត្ត និងបង្កើនការផ្សព្វផ្សាយដល់បងប្អូនប្រជាពលរដ្ឋនៅមូលដ្ឋានឱ្យចូលរួមអនុវត្តវិធានការបីការពារ បីកុំឱ្យបានជាប់ជាប្រចាំ រួមគ្នាខិតខំបម្រើបងប្អូនប្រជាពលរដ្ឋដោយទង្វើល្អ និងខិតខំធ្វើយ៉ាងណាឱ្យភូមិឃុំមានសុខសុវត្ថិភាព ឆ្លៀតក្នុងឱកាសនោះលោកជំទាវបានឧបត្ថម្ភសម្ភារមួយចំនួនរួមមានម៉ាសចំនួន១០ប្រអប់ សាប៊ូលាងដៃចំនួន៦០ដុំ ក្រមាចំនួន៧៥ក្រមា សារ៉ុងចំនួន២៥ និងថវិកាជូនប្រជាការពារមួយចំនួន នៅសាលាឃុំកំពង់គោ ស្រុកកំពង់ស្វាយ ខេត្តកំពង់ធំ